Published On: Sab, Apr 25th, 2020

Ketua Déwan Pakar Bakomubin Komitmén Dukung Éki Baihaki dina Pilkada Kab. Sérang

Share This
Tags

Dukungan Éki Baihaki kanggo bakal calon Bupati Sérang, didugikeun Ketua Déwan Pakar Bakomubin sareung puluhan tokoh jeung masyarakat

Sérang, SundaNews.net – Dukungan kanggo H. Éki Baihaki, SE., M. Si, kanggo bakal calon Bupati Sérang, ngalir ti kalangan milenial, Keluarga Besar Pelajar Islam Indonesia (KBPII) Banten, komunitas kumpulan ibu-ibu, komunitas sarjana Islam, komunitas Badan Koordinasi Mubaligh Indonésia (Bakomubin) Propinsi Banten, Komunitas Pemuda Islam Banten, jeng nu sanesna.

Dukungan ieu téh di antawisna didugikeun ku Ketua Déwan Pakar Bakomubin Drs. KH. MS. Suhary AM, MA., Jum’at ( 24/4). Suhary komitmen kanggo ngengingkeun Éki Baihaki tina bakal calon Bupati Sérang 2020 anu salajeungna.

Dasar tina dukungan sadayana ka Éki Baihaki, yén Éki Baihaki diniléy bakal tiasa nyandak peurobihan kanggo Kab. Sérang kapayunna  anu langkung maju.  Sasuai jeung motto anu diusungna ” PAS” (Perubahan Adil Sejahtera) kanggo masa depan Kabupatén Sérang langkung saé,

Suhary ngadugikeun yén Kabupatén Sérang kiwari peryogi pisan pamingpin anu tegeus jeung ngagaduhan komitmén kuat kanggo nyandak parubahan ngadasar kanggo ngawangun Kabupatén Sérang ka payunna.

Suhary nyarioskeun, ” Kriteria éta téh aya di Éki Baihaki, tokoh muda anu diniléy wani, tegeus jeung progresip “.

“Kabupatén Sérang dangeut ayena mayunana krisis kapamingpinan. Sakumha anu tos diuninga Kabupatén Sérang mangrupikeun daérah pangluhurna korupsi di Bantén, Saur Suhary.

Suhary nambihkeun, pihakna komitmén ngadamping pencalonan Éki dugi ngaraih kamenangan.

” Teu cekap dugi kadinya, eungké ogé pami tos janteun bupati urang kedah ngawal teras, sareung pami aya jurus anjeunna anu condong ngalakukeun payimpangn bakal di lempeungkeun (di beunerkeun) ” ucapna.

Dukungan kanggo H. Éki Baihaki ogé dongkap ti Majlis Pendidikan Syarikat Islam Indonesia  (MPSII) Prov. Banten.

H. Eki Baihaki, cendikiawan Muslim nyaéta putra Drs. H.A. Taufik Nuriman (Bupati Sérang 2005-2010-2015). Anjeunna badé ngalawan Petahana Ratu Tatu Chasanah dina Pilkada 2020. (adz)

About the Author

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>