Published On: Jum, Apr 24th, 2020

Indonésia Ngeureunkeun Angkutan Darat, Laut tur Udara pikeun nyegah nyebarna Covid-19

Share This
Tags

Pangaturan Menteri Perhubungan Nomor 25 taun 2020 ngeunaan pangaturan transportasi salila musim mudik ditetepkeun dina tangal 23 April 2020 anu jadi kaputusan aturan  pamaréntah dina ngalarang mudik.

Jakarta, SundaNews.net  – Pamaréntah nyambungkeun Paraturan Menteri Perhubungan Nomor 25 tahun 2020 –dina ngalarang maké sarana transportasi darat, laut, udara pikeun  mudik lebaran kanggo ngajaga nyeubarna Covid-19.

Juru wicara Kamenterian Perhubungan Adita Irawati nguningakeun larangan mudik dimimitian tangal 24 April dugi tangal 31 Méi 2020 pikeun séktor darat tur panyebrangan, 24 April dugi 15 Juni 2020 upami karéta api, 24 April dugi 8 Juni kanggo kapal laut, jeung 24 Aprildugi 1 Juni 2020 pikeun untuk angkutan udara.

“Perménhub éta parantos maheutkeun  réh na dina tangal 23 April 2020  pamaréntah pikeun larangan mudik dina taun ieu pikeun nyegah nyebarna wabah Covid-19,” ucap Adita dina katerangan resmi, Kemis.

Adita nguningakeun pangaturan transportasi ieu, ditujukeun pikeun angkutan darat, laut, udara tur perkaretaapian, hususna kanggo kandaraan pribadi saperti mobil jeung motor atawa angkutan umum anu mawa panumpang.

Anapon kitu aya sababaraha angkutan anu dikecualikan  saperti, kendaraan pimpinan lembaga tinggi negara Républik Indonésia, kendaraan dinas operasional berpelat dinas, Tentara Nasional Indonésia jeung Kapulisian Nagara Républik Indonésia, kandaraan dinas operasional patugas jalan tol, kendaraan pamadam kebakaran, ambulans jeung mobil janazah, sarta mobil barang/logistik anu teu mawa panumpang.

“seudengkeun angkutan séjéna saperti di udara, laut, panyebrangan tur perkaretaapian ogé diatur dina Perménhub kakait jinis angkutan nu dikacualikeun dilakukan palarangan,” ucap Adita.

Lewih jauh Adita nguningakeun, larangan ngagunakeun transportasi dimimitian ku kandaraan anu keluar asup saperti di wilayah PSBB, zona merah penyebaran Covid-19, jeung di wilayah aglomerasi anu parantos  ditetepkan PSBB, saperti misalna Jabodétabék.

“Kanggo pangawasanna, di séktor transportasi darat bakal dibangun pos-pos koordinasi atawa istilahna check point anu lokasina disebar di sajumlah titik. Pos-pos ieu bakal dikoordinasikeun ku Korlantas Pori,” saur Adita.

Dina Perménhub disebutkeun: pangaturan  sanksi sacara bertahap mimiti tina méré peringatan jeung tegoran sacara persuasif tug tepi ka méré  sanksi denda kanggo para pangguna kandaraan sorangan anu mawa panumpang tujuan  mudik.

Anjeuna nambihan saurn dina tangal 24 April hingga 7 Mei 2020 kadaraan anu maksad mudik bakal dibéré peringatan tur diarahkeun balik deui (putar balik) ka asal perjalananna tur dina tangal 7 Méi dugi 31 Méi 2020 diarahkan kanggo muter balik tur menang sanksi denda atawa sanksi lainna sasuai katangtuan anu berlaku.

Ngenaan kabijakan pangambalian tikét (refund) pikeun panumpang anu parantos mésér tikét dina tangal-tangal nu kasebut, ogé parantos diatur di dina Permenhub rehna badan usaha atawa operator transportasi wajib mulangkeun biaya refund tikét sacara utuh.

“Salain refund tikét,ogé dibéré pilihan pikeun migawé re-schedule, jeung re-route,” jelas Adita.

Samentara kitu, Diréktur Jénderal Perhubungan Udara Kementerian Perhubungan Novie Riyanto nguningakeun larangan terbang ieu berlaku boh pikeun perjalanan jero nagri (domestik) atawa luar nageri (internasional).

Tapi, Novie ngutarakeun bakal aya pangecualian pikeun pimpinan lembaga tinggi negara tur wakil kanagaraan tepi ka organisasi internasional.

“Salain éta, organisasi panerbangan husus pamulangan WNI, WNA jeung anu aya hubunganna jeung panegakan hukum jeung palayanan darurat patugas panerbangan masih bisa kusaizin menteri,” tambah Novie.

Pangecualian larangan ieu ogé berlaku jang pengangkutan layanan médis tur logistik ka abus kargo.

“Navigasi udara tetep dibuka 100 persén, sedeungkeun bandara  beroperasi saperti biasa di mana maranéhana wajib ngalayani pesawat take off landing jeng pesawat anu ngalintas bandara eta,” ucap Novie. (adz/aa)

About the Author

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>