Published On: Sen, Apr 13th, 2020

Komandan Pasukan AS Sarta Taliban Bahas Pangurangan Kakeujeuman di Afghanistan

Share This
Tags

Amérika Sarikat jeung Taliban poé Saptu (11/4), ngayakeun pertemuan dina néang kakompakan dina parjanjian pikeun pambangunan kadamaian bilatéal jang ngabahas cara-cara ngurangan kakejeuman di éta nagara.

Doha, CakrabuanaNews.com – Komandan pasukan Amérika Sarikat di Afghanistan geus ngariung jeung para pamingpin Taliban di Doha pikeun ngabahas perluna ngurangan kakeujeuman  di éta nagara anu keur dilanda perang, anu bakal jadi sabab gagalna prosés perdamaéan anu rapuh, nurutkeun juru bicara kadua beulah pihak.

Jénderal Scott Miller, komandan pasukan AS jeung misi Dukungan Teges non-tempur pimpinan NATO di Afghanistan, ngayakeun kasepakatan jeung para pamingpin Taliban dina poé Jum’ah (11/4/2020) peuting.

“Jénderal Miller patepung jeung pingpinan Taliban tadi peuting salaku bagian tina jalur militér anu diadeugkeun dina kasepakatan perjangjian,” ucap juru bicara Pasukan AS di Afghanistan ka Reuters, saperti anu di ulas VOA Islam, “Pertemuan éta masalah perluna ngurangan tindak kakeujeuman,” ucapna.

AS jeungTaliban geus nandatangan perjangjian dina tangal 29 Pébruari di Ibukota Qatar anu tujuana pikeun nganggeuskeun perang 18 tahun di nagara Asia Kidul éta.

Perjangjian éta pikeun mutuskeun karangka pagawéan supaya ditarik pasukan AS ti Afghanistan kalawan sarat Taliban moal méré ijin kumpulan mana waé pikeun ngalakukeun serangan ka AS atawa sakutuna.

Palanggaran perjangjian

Kasepakatan dilakukeun nalika kolompok bersenjata Afghanistan éta nyebutkeun pasukan AS ngalanggar perjangjian.

Poin penting lainna nyaéta telatna pangbebasan 5.000 tawanan Taliban ku pamaréntah Kabul anu diteteupkeun  bagian tina kasepakatan.

Juru bicara kantor politik Taliban di Doha nyebutkeun di Twitter réhna dina pertemuan éta ngabahas impléméntasi perjangjian.

Taliban dina pekan katukang nyebutkeun pasukan AS ngadukung operasi kaamanan Afghanistan di sababaraha bagian nagara éta, jeung méré peringeutan réhna dukungan samacam kitu bisa ngabahayakeun kana perjangjian.

Juru bicara pasukan AS ngagambarkeun tindakan kitu hiji upaya pertahanan pasukan Afghanistan.

Taliban bakal ngilu icikibung dina parundingan intra-Afghanistan anu tujuana pikeun nyiptakeun perdaméan di nagara éta  bagian tina perjanjian Doha, tapi perkara tukeur hili tawanan anu sakuduna dimimitian ku parundingan geus jadi sabab munculna hahalang.

Pamaréntah Afghanistan ngaleupaskeun total 200 tawanan Taliban dina poé Rebo jeung Kemis, tapi kolompok Taliban geus ninggalkeun cara tukeur hili, réhna nyebutkeun éta tungtutan pikeun saha anu bakal dibébaskeun mimiti dicumponan.

Saméméhna, Taliban nyebutkeun teu panuju kana éta pangbébasan tawanan sacara bertahap. Kolompok bersenjata éta ogé diperkirakeun bakal ngabébaskeun tawanan Afghanistan kusabab bagian tina kasepakatan.

Afghanistan ngabébaskeun 100 Tawanan Taliban

Samentara éta dina poé Rebo tangal 8 April, pamaréntah Afghanistan dina poé Rebo (8/4) ngabebaskeun 100 tawanan Taliban sapoé saacan kolompok gerilyawan nuding Kabul ngalambatkeun parundingan, jeung narik timna tina pertemuan salila sapekan ngenaan tukeur hili tawanan anu kalintang ditunggu-tungguna ku kadua musuh éta.

Juru bicara Déwan Kaamanan Nasional Afghanistan nyebutkeun para tawanan dibébaskeun dumasar kana kaputusan présidén jeung ngutarakeun langkah éta nyaéta mangrupa bagian tina upaya ngadorong perdamaéan jeung pikeun nyeugah  pandemi COVID-19 di nagara éta.

Javid Faisal ngutarakeun badan intélijén Afghanistan jeung otorita hukum kakait geus “mariksa kalawan tarapti” para tawanan kusabab kondisi kaséhatan, umur jeung lilana hukuman anu nyésa saméméh  dibébaskeun maranéhannana. Anjeuna neugeskeun ka sakabéh tahanan supaya ulah ngagabung deui jeung Taliban atawa milu deui ka médan perang.

Taliban rikat nentang éta pangumuman pamaréntah kalawan nyebutkeun hal éta teu aya kaitannana jeung katangtuan anu disebutkeun dina perjangjian maranéhanana jeung Amérika.

Juru bicara Taliban Zabihullah Mujahid nyebutkeun timna geus ditarik ti Kabul saeunggeus pertemuan anu“heunteu méré hasil” masalah koordinasi patukeur hili tawanan.

“Prosés pangbébasan tawanan anu teu sajalan jeung katangtuan perjangjian kami jeung Amérika moal bisa kami tarima,” ceuk Mujahid sakumaha anu dikutip VOA.

About the Author

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>