Published On: Rab, Apr 8th, 2020

Mikawanoh Langkung Caket Situ Cibuyut

Share This
Tags

Malangbong Garut, Sundanews.Net – Situ Cibuyut nyaéta hiji situ di dérah Garut Wétan anu katinggali tenang, bersih kalawan suasana alamna sejuk.

Situ Cibuyut anu alamatna di Lembur Cibuyut, Désa Lewo Baru, Kacamatan Malangbong, Kabupatén Garut. Manawi pikeun urang Garut, situ Cibut tos teu asing deui sanaos ngan ngadéngé saliwat tanpa uninga tempatna margi situ Cibuyut tempatna rada nyumput anu kalolobaan ngan dinikmati ku wargi satemoat.

Sok sanaos aya larangan ti pihak pamaréntahan teu kenging diojayan kumargi jerona éta situ kirang-langkung saméter dugi 5 méter, tapi sok aya kénéh waé pirajeuneun barudak anu ngojay di éta situ kulantaran ninggali caina anu hérang sareng teu aya runtahan.

Pohara bungahna barudak dina nalika ngojay. Cai Situ Cibuyut nu ageung pisan manfaatna kanggo daérah sakitarna (Léwo Baru,  Sirnagalih, Cijati, Cipining sareng kampung nu sanesna).

Sababaraha pamukiman warga sareng pasawahan nganggo cai ti Situ Cibuyut, komo tina sumberna cai di hulu cai sok dianggo kanggo kabutuhan di bumi, sapertos masak, eueut jeung sajabina.

kumargi PH sareng TDS na cai Situ Cibuyut téh saé pisan, numutkeun hasil panalungtikan.  Kantos aya hiji perusahaan cai situ cibuyut dianggo produksi cai mineral, tapi warga tonggoh dugi ka lebakna nolak pisan cai Situ Cibuyut  didamel pabrik ku éta perusahaan, tutur warga anu inisialna teu kersa dusebutkeun waktos di wawancara ku wartawan sundanews.net

Sekitar 100 méter ti situ mapai jalan ka Sukamaju aya makom kia anu soléh, sesepuh kiai  malangbong  anu kamashur sesepuh pasantrén Raudhotul Mutaalimin (Léwo) anu namina KH Muhammad Syatibi Bin Muhammad Hudori (makomna dicaket Situ Cibuyut) Bin Muhammad Hasan (makomna di Léwo baru) Bin Muhammad Arifan (makomna di Malangbong, Garut). (Jajang Jamaludin)

About the Author

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>