Published On: Ming, Apr 5th, 2020

RSUD Cibabat Ngabuka Ruang Isolasi Pasén Covid-19 Pikeun Pasén Déwasa Jeung Barudak

Share This
Tags

Cimahi, SundaNews.net – RSUD Cibabat siap mancen tugas pikeun pasién nu kajangkit corona virus disease (Covid-19) ku cara nyiapkeun ruang isolasi anu dibuka timimiti poé senén, 6 April 2020 di RSUD CIbabat Jalan Jend. Amir Mahmud Kota Cimahi. Perkara ieu disiapkan pikeun ngabantu pangurusan masarakat dina kasus covid-19 ngarah bisa diatasi sacara komprehensip.

Wali Kota Cimahi Ajay M. Priatna mantau kasiapan RSUD Cibabat dina nanganan pasién nu kajangkit Covid-19 ku cara turun langsung ka ruang isolasi anu disiapkeun. Ajay ninjau langsung ka laboratorium, Ruang Screening RSUD Cibabat, sarta nyerahkeun alat palindung diri (APD), jeung méré motivasi ka Tim Covid 19 RSUD CIbabat.

“Waktu ieu ruang isolasi geus aya di RSUD CIbabat, makana para tenaga médis di RSUD Cibabat kudu teteup kajamin kaamanana ogé kasalametanna dina nanganan pasien Covid 19,” pokna.

RSUD Cibabat diteteupkeun salaku Rumah Sakit Rujukan Covid-19 di Provinsi Jawa Barat anu kategori Konéng jeung beurem. Panyadiaan ruang isolasi kabagi kana dua kategori. Ruangan pikeun kasus Pasién Dina Pangawasan (PDP) Covid Kuning jeung pneumonia sedengkeun anu kasus konfirmasi Covid-19 jeung klinis pneumonia anu teu parna nafasna di Ruang Isolasi Hepafilter disiapkeun kapasitas 6 kasur pikeun pasien dewasa jeung barudak aya di Gedong IGD lantai 3.

Pikeun ruang isolasi kasus PDP Covid beurem jeung pneumonia beurat atawa kasus konfirmasi Covid-19 jeung klinis pneumonia beurat anu ngancam  gagal nafas tur ngabutuhkeun alat bantu nafas/ventilator disiapkeun 2 kasur pikeun pasién déwasa jeung barudak anu disadiakeun di Gedong IGD lantai 1 anu bakal  dibuka 13 April 2020 kahareup.

Plt. Diréktur RSUD Cibabat dr. Reri Marliah MM. Nyebutkeun, Tim Inti Covid- 19 RSUD Cibabat diantarana Dokter spesialis penyakit jeuro (2 urang), Dokter spesialis budak (3 urang), Dokter spesialis anesthesi (1 urang), Dokter spesialis patologi klinik (3 urang), Dokter spesialis radiologi (2 urang), Dokter spesialis THT (2 urang), Dokter umum (20 urang), Perawat (60 urang), Apoteker, PPI, K3RS, jeung patugas sanitasi.

“Kasiapan kabéh aspék parantos dipigawé. Disadiakeun ruangan husus, Sumber Daya Manusia (SDM), alat kaséhatan, APD, régulasi dan SOP,” ceuk Reri.

Anjeuna nyebutkeun, nalika pasien asup, RSUD Cibabat bakal ngalakukeun skrining di Ruang Screening IGD RSUD Cibabat. “Skrining dilakukeun pikeun ngadetéksi kasus Orang Dalam Pemantauan (ODP) jeung PDP anu aya gajala klinis Covid-19 jeung riwayat kontak, nyaéta jeung pasién konfirmasi Covid-19 atawa asal ti daérah pandemi. Lamun pasién ngabutuhkeun pananganan médis anu katégori Covid Konéng jeung beurem bakal ditangani di ruang isolasi anus tos disiapkeun,” ucapna.

Pamariksaan Swab tés (PCR) pasién bakal dirujuk ka Labkesda parantara Dines Kasehatan Kota Cimahi. Rujukan kasus PDP ka RSUD Cibabat dilakukan jalur SISRUTE atawa Hotline 0821 2863 6549.

Pikeun antisipasi, kusabab réana tim médis covid-19 di daérah lain anu dikucilkeun ku masarakat sakitar  padumukanna, RSUD Cibabat nyayogikeun méss pikeun  tim médis Covid 19. “Manajemén RS nyayogikeun wisma kanggo patugas kaséhatan Tim Pananganan Covid-19 pikeun tempat istirahat aranjeuna sawaktu dina tugas,” pokna.

Iwal ti RSUD Cibabat, Rumah Sakit Dustira ogé ditunjuk jadi rumah sakit rujukan pikeun pananganan Covid-19. Atos disadiakeun 4 urang kategori hejo(ringan), 3 ruang kategori konéng, jeung bakal nyusul ruang katégori beureum.

Dumasar kana laman covid19. cimahikota.go.id, kacateut tepi ka Ahad 5 April 2020 pukul 09.54 WIB, perkembangan kasus positif Corona Virus di Kota Cimahi sebanyak 12 urang, diantarana 1 urang cageur, 3 pasien maot, 8 urang dina parawatan médis di RS rujukan jeung isolasi mandiri. Kasus ODP sajumlah 328 urang,  diantarana 274 urang dina pamantauan jeung 54 beres. Pikeun kasus PDP saloba 23 urang, diantarana 13 urang aya dina pangawasan jeung 10 urang beres pangawasan. (NTM)

Sumber Pikiran Rakyat

About the Author

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>