Published On: Jum, Mar 20th, 2020

Anies Caram Warga Muslim Jakarta Laksanakeun solat Juma’ah Pikeun 2 Juma’ah ka Hareup

Share This
Tags

Gubernur  Daérah Khusus Ibukota (DKI) Jakarta Anies Baswédan mutuskeun nyaram warga Muslim di Jakarta ngalakonan solat Jumaah salila dua jumaah. Léngkah ieu dicokot keur nyegah népana virus korona.

Jakarta, SundaNews.net – Kaputusan éta dumasar kana hasil pasamoan antara Pamaréntahan Provinsi DKI Jakarta jeung Kapulisiam Daérah Métro Jaya, Komando Daérah Militér Wilayah Jakarta Raya, jeung  Forum Karukunan Umat Beragama (FKUB) sarta sakabéh pamuka agama di Jakarta.

Rapat ieu ngabahas sumebarna COVID-19 sarta léngkah-léngkah anu kudu dilaksanakeun babarengan pikeun nangtayungan sakabéh populasi di Jakarta.

Numutkeun Anies, sumebarna COVID-19 di Jakarta gancang pisan jeung Jakarta mangrupakeun salah sahiji pusat panépaan sareng sumebarna kasus anu signipikan pisan. Poé Rebo (3/18), di Jakarta aya 160 penderita COVID-19 jeung dina poé Kemis nambahan deui jadi 208 jalma. Éta anu sumebar di sakabéh daérah.

Anjeunna nambahkeun, dina rapat éta sakabéh pihak  nyatujuan yén aranjeunna bakal serius ngalakukeun pembatasan intéraksi ka sagala komponén. Pasamoan éta ogé nyatujuan yén kagiatan agama diayakeun babarengan di imah ibadah bakal ditunda dua pekan ka hareup sareng bakal dikaji sanggeusna.

“Akibatna pikeun umat Islam, kagiatan solat Juma’ah anu biasana dilaksanakeun sacara normal, pami pekan kaliwat urang ngabawa sajadah sorangan, mangka poé ieu kasapukan na nyaéta solat juma’ah  Jakarta henteu diayakeun salila dua juma’ah ka hareup. Sanggeusna urang tingali deui, ceuk Anies.

About the Author

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>