Published On: Rab, Mar 4th, 2020

Kaayaan SDN 011 Cibuntu Prihatin, Ménta Dinés Pendidikan Réalisasikeun Pangwangunan

Share This
Tags

Bandung,Sundanews.net – Sakola SDN 011 Cibuntu, kaasup sakola pang kolotna di kacamatan Bandung Kulon, Kota Bandung, Ayeuna kondisina prihating sarta pikahariwangeun.

Kaayaan sakola kasebut kaasup pang gorengna di Kacamatan Bandung Kulon. Wangunan na enggeus teu layak sarta ngabahayakeun pikeun kagiatan diajar sabab ruksak parna.

” Urang enggeus sababaraha kali sareng teu pernah bosen ngajukeun ka Dines Pendidikan. Tapi tepi ka ayeuna teu aya réalisasi ti Dines Pendidikan Kota Bandung “,  Ceuk Hendra Candra Ela, salah saurang guru di sakola kasebut.

Samentara éta, Dédé Somantri, guru nu ogé ngajar di sakola éta nyatakeun yén Dines pendidikan tos sababaraha kali ngontrol kaayaan sakolah kasebut, ceunahna arék ngawangun, tapi tepi ka ayeuna acan ogé.

” Urang enggeus ngusulkeun pangwangunan ti mimiti taun 2019, cenahna arék diwangun bulan Oktober 2019, tapi tepi ka maret ieu acan aya réalisasina. Teu terang dimana macétna, nu pikahariwangeun wangunan kelas usum nijih sieun ambruk,” Cek Dédé Somantri nerangkeun.

” Sakola nu séjén enggeus dibangu ku pamaréntah”, Dédé nutup omonganana.

Sukurna kalawan kaayaan pikahariwangeun, guru sarta murid di sakola tetep sumanget  ngalakukeun kagiatan diajar. Pihak sakola sareng kolot murid mikahareup pisan perhatian pamaréntah, sangkan kolot ngarasa merenah nyakolakeun barudak di sakola kasebut. (dedi)

About the Author

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>