Published On: Rab, Feb 12th, 2020

Kalacak, Hiu Bodas Ageung Sapanjang 5 méter Nyilem Rébuan Kilométer

Share This
Tags

Sundanews.net – Hiji hiu bodas nu panjangna ampir 5 méter parantos dilacak sareng ditéwak  ku para élmuwan. Panangkepan ieu ngan ukur kanggo tujuan panalungtikan sareng sababaraha waktos héwan pamuncak ranté dahareun kasebut dileupaskeun deui.

Élmuwan anu kagabung dina grup konservasi laut nonprofit OCEARCH junun néwak hiu bodas ageung anu dinamian Unama’ki.

Hiu ieu tiasa ditéwak deui ku élmuwan margi diawakna parantos dipasang alat pelacak husus.

“Ping” pangayarna tina alat pelacak ieu  nunjukkeun yén Unama’ki parantos nyilem 150 kilométer di sakitar Teluk Mexico.

Hiu bodas ageung anu dijadikeun objék panalitian élmuwan ieu ngagaduhan ukuran 4,7 méter sareng beuratna kira-kira 941 kilogram.

Unama’ki munggaran didétéksi sareng di implan alat palacak dina Séptémber 2019.

Hiu ieu tos ka rékam ngarambat ti Kanada ka basisir wétan AS, sakitar Florida, teras ka Teluk Mexico.

Cukup epik, sakumaha dicutat tina IFLScience, ti Séptémber 2019 dugi ka Pébruari 2020, hiu bodas ageung ieu enggeus nempuh perjalanan sajauh 4,410 kilométer.

Hiu bodas ageung (Carcharodon carcharias) tiasa dipanggihan di seueur lautan di sapanjang dunya, kalayan habitat pentingna di Amérika Sarikat (basisir laut wetan sareng California), Afrika Kidul, Jepang, Chili sareng Mediterania.

Dina ayeuna, OCEARCH parantos ngalacak 416 hiu. Numutkeun élmuwan, Unama’ki mangrupikeun sato anu kedah dilacak pikeun tujuan panalungtikan.

Salaku hiu bodas awéwé anu enggeus dewasa, éta téh tiasa masihan wawasan anu penting ngeunaan ternak sareng pembibitan hiu. Fenomena ieu acan tiasa dipepeskeun sacara ilmiah, janten para ilmuwan ngarerencanakeun pikeun ngalakukeun panalungtikan anu langkung jero.

Sajauh ieu teu acan aya panalungtikan husus ngeunaan perkembangbiakan hiu bodas ageung.

Sumber :  Suara.com

About the Author

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>