Published On: Sen, Feb 10th, 2020

PWI Kota Bandung Nyusun Program Gawe Taun 2020

Share This
Tags

SundaNews.net – PWI Kota Bandung Susun Program Tahun 2020 – Persatuan Wartawan Indonesia (PWI) Kota Bandung, kiwari keur nyusun program gawe taun 2020. Acara nu diluuhan ku pengurus jeung anggota PWI Kota Bandung teh bakal lumangsung di Villa Pasanggrahan Desa Ciburial, Dago (17-18/1/2020).

Salian ti ngaoptimalkeun kinerja, PWI Kota Bandung oge bakal ngalaksanakeun gawe bareng jeung OPD sarta Paguron Luhur Swasta (perguruan tinggi swasta/PTS) “PWI sukabumi sukses ngarangkul sababaraha PTS, sangkan anggotana bisa nuluykeun atikan (pendidikan) ngaliwatan jalur beasiswa,” kitu ceuk Seksi Bidang Advokasi PWI Kota Bandung, Zaenal Ikhsan.

Ku kituna, dina bulan Februari nu bakal datang teh PWI Kota Bandung rarancangna bakal ngayakeun kunjungan kerja (kunker) ka PWI Sukabumi. PWI Kota Bandung bakal ngagali informasi leuwih jero deui, ngeunaan metode nu dilarapkeun ku PWI Sukabumi. “Paling telatna bulan hareup,” ceuk Ikhsan.

Disagigireun kitu, Seksi Bidang Organisasi, Rian Andrian bakal ngayakeun pendataan nu patali jeung kaanggotaan sakaligus ngarekrut anggota anyar.

“Sakumna anggota PWI Kota Bandung katut mediana bakal diasupkeun kana situs resmi PWI Kota Bandung tur bisa ditingali langsung ku cara nga akses pwikotabandung.com,” ceuk Rian.
Sedengkeun Seksi Bidang Kesra, Miftahul Akmal, bakal ngayakeun buka puasa bareng jeung yatim piatu, ngabagi ta’jil sarta ngayakeun program sosial sejenna.

Ketua PWI Kota Bandung Hardiyansyah, miharep sangkan tiap pangurus bisa nandatangan Fakta Integritas. Masing-masing seksi kudu mandiri. Ulah ngan saukur ngandelkeun sagalana ti PWI. Pangurus kudu siap gawe soson-soson pikeun kamajuan organisasi,” pokna.

Ku kituna, dirina daria pikeun nandatangan Fakta integritas eta sangkan bisa ngamajukeun organisasi. PWI kiwari miboga 3 Seksi, nyaeta PWI Peduli, Koperasi jeung Ikatan Keluarga Wartawan Indonesia (IKWI).

Sumber : bewarajabar.com

About the Author

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>