Bagikan ini:

" />
Published On: Rab, Okt 10th, 2018

Bahaya Pitnah Dajjal Jeung Cara Nyalametkeun Diri Tina Pangaruh Dajjal

Share This
Tags

SundaNews.net, PontianakNews.net   — Salah sahiji fitnah anu gedé  anu di pepelingkeun ku Baginda Nabi Muhammad shalallahu ‘alaihi wa sallam ka umatna anu bakal kajadian di di ahir jaman nyaéta fitnah Dajjal.  Sakumaha anu disaurkeun Ustadz Faizal Khalifah Ilahi Bin Habeebur Rahman dina ceramahna di Masjid Sirajuddin, Pontianak dinten Selasa (9/10/2018), ba’da shalat maghrib.

Ustadz Faizal Khalifah Ilahi Bin Habeebur Rahman ngajelaskeun yén Dajjal bakal datang di ahir jaman ti arah wétan di nagari Isfahan, Iran.  Manéhna bakal diiluan ku tujuh puluh rébu jeulema ti Yahudi Isfahan ti hiji lembur nu ngarana Al-Yahudiyah.

Dina waktu  kamunculana, mimitina Dajjal ngaku dirina salaku Nabi terus manéhna ngaku dirina salaku Tuhan.

Salajeungna Ustadz Faizal ngajelaskeun, pitnah Dajjal nyaéta pitnah anu gedé pisan ti saprak Alloh SWT nyiptakeun Nabi Adam alaihis salam, kusabab hal ieu Alloh maparin kamampuan ka manteuna kanggo mintonkeun perkara anu kacida luar biasa jeung di luar kamampuhan manusa.

Di caritakeun yén dajjal bisa mawa  syurga jeung naraka, surga anu dibawana padahal mah nu bakal mawa ka  naraka, anu ngilu jeung manéhna nyaéta surga anu manéhna ogé bisa miboga saperti cai, roti anu mang gunung-gunung, manéhna maréntahkeun langit pikeun nurunkeun hujan jeng maréntahkeu taneuh sangkan nuwuhkeun peupeulakan, anu nyababkeun harta jeung banda jadi ngilu ka manéhna .

Dajjal bakal ngurilingan alam dunya, moal aya hiji lembur ogé anu kaliwat. Anu nempuh waktu leumpang kacida jauhna ku kakuatan anu luhur pisan, ampir sarua jeung turunna hujan ku téréhna lumpat manéhna, angin ngarilu ti tukangeunna jeung réa paristiwa anu luar biasa anu dipaké ku manéhna.

Diriwayatkeun yén dajjal bakal ngurilingan alam dunya salila 40 poé, ngurilingan dunya salila 40 poé. Rasululloh shalalloohu ‘alaihi wasallam nyabda  “hiji poé saperti sataun, sapoé saperti sabulan,  jeung sapoé saperti sajum’at, kitu deui poé-poé nu liana sarua ”.

Ustadz Faizal ngingeutan naon waé anu dilakukeun kudu ngajauhan tina paripolahna dajjal.  Kahiji; sawaktu Dajjal kaluar, tong nyoba-nyoba ngadeukeutan. Sok sanajan ngarasa iman urang kuat, sawaktu pa amprok jeung dajjal bakal ngalunturkeun kaimanan kana diri masing-masing jeung sajorélat bakal ngilu sujud nyembah ka dajjal.

Nabi shallallahu‘alaihi wa sallam nyabda, “Saha waé anu ngadéngé ayana dimana Dajjal,‏‎ kudu buru ngajauhan manéhna. Saeunnyana demi Allah ! Aya jeuleuma ngadatangan dina kaayaan iman, anu ahirna ogé jadi ngilu ka dajjal, kusabab ngilu kana syubhat-syubhat anu ditepikeun.” (HR. Ahmad).

Kadua, dina ka’aya’an kapaksa pateupung jeung Dajjal, mangka kanyahokeun  yén dajjal panonna lolong sabeulah, sedengkeun Gusti Alloh heunteu lolong. Diantara dua panonna aya tulisan : كَافِرٌ (Kafir). ” (HR. Bukhari 7131).

Katilu, Apalkeun sapuluh ayat mimiti surat Al-Kahfi. Sing ingeut piweujang Rasulullah shallallahualaihi wa sallam ieu bisi umur tepi ka patepung jeung Dajjal. Bacalah 10 ayat surat Al-Kahfi.

Saha waé diantara maranéh nu patepung, mangka ngabacakeun di harepeunnana pangbukaan surat Al-Kahfi… (HR. Muslim).

Dina hadis Abu Darda’ radhiyallahu’anhu Nabi shallallahualaihi wa sallam ngajeulaskeun:,

Saha waé anu ngapalken sapuluh ayat mimiti tina surat Al-Kahfi, tinangtu manéhna bakal dijaga tina pitnah Dajjal. (HR. Muslim, Ahmad, Ibnu Hibban jeung réng réngana).

Kaopat, rutinkeun maca ieu du’a dina tiap réngsé maca tasyahhud ahir,  sa acanna salam.

Allahumma innii a’uudzubika min ‘adzaabi jahannam, wamin adzaabil qobri, wamin fitnatil mahya wal mamaati, wa min syarri fitnatil masiihid dajjal.

Ya Allah abdi nyalindung ka Anjeun  tina adzab jahannam, siksa kubur, tina pitnah kahirupan jeung saeunggeus maot jeung tina kagorengan pitnah Al-Masih Dajjal.

Kalima, kudu abus ka salah sahiji tina dua taneuh suci, Makkah atawa Madinah. Kusabab Dajjal moal mampu abus kana dua kota anu mulia ieu, tah kitu saur Ustadz Faizal Khalifah ngarengsekeun ceramahna. (adz)

About the Author

-

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>