Bagikan ini:

" />
Published On: Sen, Sep 24th, 2018

Saurang tiwas, 14 urang taratu diserang Israél sawaktu demonstran Palestina

Share This
Tags

gambar ilustarasi

Gaza City, SundaNews.net  — Saurang démonstran jadi martir, samentara 14 urang lainna taratu ku pasukan tantara Israél, ceuk Kamenterian Kaséhatan Paléstina poé Ahad.

Sakumaha nudisebutkeun Anadolu, Kamenterian Kaséhatan Paléstina ngutarakeun, Davud Ishteyvi, 21 taun, tiwas kusabab tembakan tangtara Israél di belah kalér Jalur Gaza.

Salah sahiji warga Palestina anu tatu ayeuna keur dina kaayaan kritis, omong na téh.

Tisaprak tungtutan démonstrasi nu panderi dilakukeun bangsa Paléstina dimimitian dina a’hir Maret, réa nyawa demonstran anu lapur — jeung rebuan nu lainna taratu — ku tangtara Israél anu dikirim ka sapanjang wilayah anu keur ahéng.

Para démonstran nungtut “hak sangkan bisa balik” ka imah jeung désa maranéhannana di Paléstina, kusabab maranéhannana diusir sawaktu taun 1948 pikeun méré jalan  nanjeurna nagara anyar Israél.

Maranéhannana ogé nungtut saenggeus diblokade Israél salila 11 taun di Jalur Gaza, anu enggeus ngarampas parékonomian wilayah teluk éta,  nu ngabalukarkeun ampir 2 juta pandudukna kalengitan pakasaban anu jadi panghasilan utamana.

Di sisi séjén jét-jét tempur Israél keur nyerang démonstran Paléstina di sapanjang perbatasan  Gaza.

Acan aya  parnyataan anu nyebut ayana korban tina éta serangan udara ieu.

Masalah serangan ieu, tangtara Israél ngucapkeun dina parnyataanna, “réhna salila sababaraha bulan warga Gaza ngapungkeun balon-balon seuneu ka Israél.”

Dina sawatara minggu ka tukang, militansi Paléstina ngaduruk langlayangan jeung balon-balon ka arah wilayah Israél nu mangrupakeun  protes anti-pendudukan di sapanjang perbatasan Gaza-Israél. (adz/aa)

About the Author

-

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>