Bagikan ini:

" />
Published On: Sen, Sep 17th, 2018

Wanita Syarikat Islam Indonésia Jawa Barat Ngagelar Rapat Kerja Wilayah

Share This
Tags

Garut, SundaNews.net   —  Pingpinan Wilayah Wanita Syarikat Islam Indonésia Jawa Barat, Masa Jihad  2018 -2022 ngagelar Rapat Kerja Wilayah (Rakerwil) di daérah Wisata  Cipanas Garut, Senén (127/9/2018).

Rakerwil éta mangrupakeun forum resmi di tingkat provinsi saenggeus PW Wanita Syarikat Islam Indonésia Jawa Barat ngagelar Musyawarah Wilayah ka XIII tanggal 28-29 April 2018.

Rakerwil ieu maksudna pikeun mébérkeun jeung ngajentrékeun amanah Musyawarah Wilayah kana réntétan waktu cundukna jeung sumber daya pangolahanna. Anu kalintang diharepkeun pisan sangkan bisa ngalahirkeun tokoh-tokoh anu bisa ningkatkeun darajat masarakat tur nagara.

Rakerwil dibuka ku Pimpinan Besar Wanita SI Indonésia ibu Hj, Chairi Inayah, jeung dihadiran ku Katua DPW SII Jawa Barat, Drs. Sudana Miharja.

Numutkeun Katua DPW SII Jawa Barat Drs. Sudana Miharja, Rakerwil  mangrupakeun forum resmi di tingkat provinsi saengges PW Wanita Syarikat Islam Indonésia Jawa Barat ngageularkeun Musyawarah Wilayah ka XIII tanggal 28-29 April 2018,

“Rakerwil ieu  ngeumban tugas jang netelakeun kana amanah musyawarah wilayah ngena’an réntétan waktu,  puhu tina tujuan sumber daya, pangolahana. Kalintang pisan diharepkeun malah mandar bisa ngalahirken tokoh-tokoh anu bakal ngangkat  darajat masarakat jeung nagara urang,” Ucap Sudana dina sambutanna.

Saterusna manéhna ngucapkeun , “Ngarah Pangurus Wanita SI Indonésia bisa ngabangun silaturahim jeung  pangurus ormas Wanita pikeun nepungkeun  visi jeung misi pergerakan dina raraga  ngolah  isu jeung masalah anu aya di jero masarakat sarta silih dorong pikeun ngamajukan kaum wanita Islam khususnya di Jawa Barat,” unggelna.

Diakhir sambutanna Sudana Miharja ngaharepkan Rapat Kerja wilayah Wanita SII Jawa Barat bisa ngaronjatkeun  ulubiungna ibu-ibu pangurus jeung warga SII sangkan  bisa miara jeung ngamakmurkan Sékrétariat. (ntm )

 

 

About the Author

-

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>