Bagikan ini:

" />
Published On: Sen, Sep 10th, 2018

Pamaréntah Indonésia mertélakeun tiwasna Bahrun Naim

Share This
Tags

Jakarta, Sundanews.net —  Pamaréntah Indonésia ngayakinkeun réhna anggota Daésh asal Indonésia Bahrun Naim tiwas di Suriah.

Saperti dilaporkeun Anadolu Agency, Menteri Pertahanan RI Ryamizard Ryacudu ngabewarakeun saenggeus meunang inpormasi langsung ti Menteri Pertahanan Amérika Sarikat James Norman Mattis ngeunaan tiwasna Bahrun Naim.

“Ménhan AS ngirimkeun surat nu ngabéjakeun perihal dua pingpinan Daésh di Suriah ditembak nyaéta Bahrun Naim ngagunakeun drone sarta Abu Hurairah maké mobil,” ceuk Ryamizard Ryacudu di Jakarta, poé Senén.

Ryamizard nyarita manéhna meunang surat éta tanggal 20 Juli nu kaliwat anu méré nyaho yén Bahrun Naim tiwas dina operasi Amérika Sarikat tanggal 23 Méi 2018.

“Sabenerna, manéhna enggeus lila tiwas kusabab drone , ”ceuk Ryamizard ka Anadolu Agency.

 

Manéhna mastikeun kabar tiwasna Bahrun Naim éta kulantaran meunang inpormasi langsung ti Menteri Pertahanan Amérika Sarikat.

“Saumpama enggeus diimpormasikeun ku Ménhan AS dipertelakeun 95 persén bener , ” ceuk manéhna.

Nurutkeun Ryamizard, Amérika Sarikat enggeus mariksa DNA milik Bahrun Naim.

 

Saméméhna, ngenaan kabar tiwasna Bahrun Naim mindeng muncul. Tapi, kabenerannana can kénéh bisa dipastikeun.

Bahrun Naim salaku dalang aksi téror bom Thamrin di Jakarta Pusat bulan Januari 2016. sajaba ti éta, manéhna ogé dituduh kabawa dina rencana aksi teror bom bunuh diri di istana ku jaringan téroris Bekasi Dian Yulia Novi.

Di taun 2010, Bahrun kungsi dipanjara dua taun kusabab nendeun ratusan pelor milik anggota Jamaah Islamiyah.

Bahrun ogé dituduh aya patalianna jeung kumpulan téroris Mujahidin Indonésia timur pingpinan Santoso. (adz/aa)

 

About the Author

-

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>