Bagikan ini:

" />
Published On: Sel, Sep 4th, 2018

Pembebasan Lahan Tol Sérang-Panimbang, Kuciwakeun Warga Aya Oknum Nu Néang Kauntungan

Share This
Tags

Sérang, Sundanews.net  — Pamaréntah Kabupatén (Pemkab) Sérang narima loba laporan ti warga patali dugaan aya oknum nu néangan kauntungan dina prosés pembebasan lahan Tol Sérang-Panimbang di Kacamatan Cikeusal. ku kituna, Pemkab Sérang arék geura néangan oknum kasebut.

Asistén Daérah (Asda) I Pemkab Sérang, Agus Érwana saperti dirilis Kabar Banten ngungkabkeun, pihakna narima laporan patali prosés pambebasan lahan tol kasebut. Dumasar inpormasi nu ditarima ti masarakat nu taneuhna keuna pembébasan lahan Tol Sérang-Panimbang acan lila ieu, oknum nu ngaku-ngaku pihak ti PPTK anyar-anyar ieu geus ngabayaran ganti parurugi tatangkalan nu keuna pambébasan lahan, sedengkeun taneuhna acan kénéh dibayar.

“Nanging ku kuring badé ditéangan, pan henteu mungkin tatangkalan geus dibayar, sedengkeun taneuhna acan, piraku taneuh nagara tatangkalan na dibayar tiheula sedengkeun taneuh na pandeuri.  Éta  inpormasi ti masarakat nu gaduh, saleresna jelemana di Cikandé (nu boga taneuh), tapi asalna ti Cikeusal, ”cenah na.

Manéhna nyangka, oknum nu ngaulinan kasebut,  ngahaja nyiar kauntungan ti masarakat. Ku sabab éta, manéhna ménta, sangkan masarakat teu percaya kitu waé ka oknum kasebut.

“Sim kuring ngomong, teu meunang, teu mungkin aya jalma hayang mayaran, tadina pan hayang dibayar 97 juta, padahal meunangna 180 juta. Oknum éta kawasna kaliwat wani teuing, jeung lamun mungkin kuring sambet waé, ceunahna.

Disinggung ngeunaan udagan pamayaran parurugi pembebasan Tol Sérang – Panimbang, nurutkeun manéhna, sakuduna keur wilayah Cikeusal prosés pamayaran kudu enggeus di bulan kaliwat. Tapi, manéhna nanyakeun kénéh naoun sababna, ku kituna prosés pembebasan lahan kasebut acan tuntas.  “Lamun Cikeusal kudu na enggeus bulan kamari, tapi naon pasualannana? Naon salah ukur? Naon acan dibayar jumlah luasna, ucapna deui.

Samentara, keur Kacamatan Kragilan, ceuk manéhna, enggeus euweuh masalah, iwal lahan pamakaman. “Pikeun Kacamatan Kragilan teu aya masalah, iwal taneuh astana, jadi kulawarga nu kungsi ngiklasakeun taneuh astana ieu ngaku acan ngahibahkeun,  tapi kuring ngotot  piraku eusina enggeus 200 acan kénéh dihibahkeun, ” cenahna. (adz/kabar banten)

 

About the Author

-

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>