Bagikan ini:

" />
Published On: Sel, Sep 4th, 2018

Irak Nyanghareupan Krisis Kaséhatan akibat Cai Nu Kacemar

Share This
Tags

Permukaan cai girang Tigris di Baghdad,Irak kasampak leuwih handap ti biasana (foto: ilustrasi).

Baghdad, Sundanews.net  — Pajabat-pajabat kaséhatan Irak nyarita, krisis kaséhatan akibat cai nu cemar jeunga kurang na cai nginum beresih beuki buruk dina sababaraha poé katukang. Rumah sakit di kota palabuhan Basra tiap poé ngarawat leuwih ti sarébu perkara inpéksi beuteung.

Krisis éta dipaparah saprak Turki sababaraha bulan kaliwat nyieun aliran cai ka girang Tigris jeung  Éprat ngurangan.

Sarombongan pamuda turun ka jalan di kota Basra poé Salasa (28/9) nungtut pamaréntah pusat pingpinan Perdanan Menteri Haidar Al Abadi pikeun nambahan pasadiaan cai nginum nu dijatahkeun di propinsi maranéhanana. Waktos nganjang ka kota éta bulan Juli, Abadi jangji arék nambahan anggaran keur inprastruktur propinsi éta.

Saurang pamuda nu baturna paéh dina aksi protés sababaraha minggu kaliwat, teu bisa nahan diri sarta ceurik nénjo ka euweuh mampuan para démonstran maksa para pamingpin Irak ngahadéan kaayaan layanan umum di Basra utamana inprastruktur cai nu enggeus kolot jeun kurang na pasadiaan cai nginum nu dijatahkeun ku pamaréntah pusat.

Sababaraha pajabat kaséhatan di Basra ngingetkeun jigana wabah kolera nerekab akibat cai nu kacemar jeung parasit nu dibawana nu enggeus nyebabkeun rébuan jalma gering dina sababaraha poé katukang.

Diréktur Jénderal Departemén Kaséhatan Basra Dr Riad Abdul Amir ngomong ka televisi Al Hurra sual kaayaan nu mingkin buruk.

Dr. Riad ngomong, aya leuwih ti 17.500 perkara gering beuteung akibat cai nginum nu kacemar nu dirawat di rumah sakit di Basra salila dua minggu pamungkas. Ceuk manéhna, masalahna kiriman cai beresih nu asup ka kota éta liwat kanal jeung pipa ti kalér teu mahi.

“Cai asin nu nyusup ka jero jaringan cai dipikanyaho ngurangan hasiat chlorine nu dipaké keur ngabersihkeun sarta maéhan bakteri di cai nginum, ” cenahna.

Dr Safaa Kazem nu ngarawat puluhan perkara gering beuteung sarta diaré di rumah sakit  pendidikan di Basra tiap poé, ngomong pasadiaan cai nginum kota Basra teu aman keur diinum.

 

 

 

About the Author

-

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>