Bagikan ini:

" />
Published On: Ming, Sep 2nd, 2018

Bupati Pandéglang Diondang Ku KPK

Share This
Tags

Jakarta, Sundanews.com — Komisi Pemberantasan Korupsi (KPK) Républik Indonésia ngondang sababaraha wakil kapala daérah ti Banten, diantarana Bupati Pandéglang Irna Narulita sarta Walikota Tanggerang Selatan (Tangsel).

Tujuan diondangan ieu téh pikeun acara Fokus Grup Diskusi (FGD) pencegahan Korupsi 2019-2020, Juma’ah (31/8) di Gedong KPK Jakarta.

Irjen. Pol. Basaria Panjaitan, komisioner Komisi Pemberantasan Korupsi Républik Indonésia (KPK-RI) ngomong, pencegahan korupsi mangrupa perkara utama ti panindakan. Ceuk Basariah, nu ayeuna diutamakeun nyaéta perizinan sarta tata niaga, “Aturan ieu lain asal dijieun, sabab pakta penangan nu ditungkulan KPK ayeuna 60 % ngeunaan suap perizinan. Sarta 23 % ngeunaan ngayakeun barang sarta jasa. Jadi 83% masalah nu urang tangani nyéta perizinan sarta tata niaga.

Éta sababna urang kudu nyieun sarta ngarencanakeun nu alus aksi nyata sangkan teu aya kajadian nu 83% tadi,“ceuk Irjén. POL Basariah.

Basariah ngaharepkeun, teu aya deui  jarak antara KPK jeung pamaréntah. Diri na ngajak, merangan sagala bentuk korupsi , ” Kuring ngahareukeun taun 2019 teu aya deui operasi tangkap tangan (OTT), harepan na.

Jaba ti perizinan sarta Tata Niaga, ceuk Basarisah, nu katilu nyaéta fokus di penegakan hukum, ”Lamun pangadeg hukum digawé na alus, sim kuring yakin korupsi gampang pisan dileungitkeun. Éta sababna KPK teu ngawangun perwakilan di wewengkon, ku kitu na leuwih independen , ” cenahna

Samentara Wakil Katua KPK-RI Saut Sitomorang nepikeun, Perizinan, Kauangan, sarta hukum, sok jadi pembahasan dina tiap ngabereskeun, “Kuring percaya Bapa sarta Ibu kepala daérah  hayang aya parobahan, ku sabab éta kudu wani sarta tegas, lamun aya nu ngaganggu sistem kudu geura dibenerkeun, komo tungtung pemecatan,” kedalna.

Lain deui, Bupati Pandéglang Irna Narulita, dirina satuju pisan jeung nu enggeus ditepikeun ku Irjén Pol. Basariah yén dina FGD ieu leuwih ngutamakeun pencegahan lain penindakan, “Kuring ngahareup pencegahan ieu terus disasialisasikeun tepi ka tingkat Kacamatan, Perdesaan sarta RT/RW,sangkan sakabéh na milu perqan aktip daina pencegaan tindakan korupsi,” cenahna. (Ircen /Sepwe)

 

 

About the Author

-

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>